Post instigo de Renato Corsetti, la Estraro decidis en la 2018-05-12-a pri represo de flugfolio "vel-boato" por uzo dum la UK kaj dum aliaj e-eventoj. 

Jen sube la flugfolio aranĝita de Francisco Veuthey per indesign.  Ĉu vi havas sugestojn pri la ĝisdatigo de la teksto ?  Se jes, klaku la butonon <respondi> sube.  Mi sugestas, ke vi ankaŭ klaku la butonon "<aboni> la fadenon.

La limdato por proponoj estas la 27-05-2018.

La ideo estis jam diskutita inter Mark Fettes, Heidi Goes, Ralph Schmeitz kaj aliaj.   La celo estus krei komuna katalago de ĉiuj esperantaj bibliotekoj. 


Laŭ la vortoj de Heidi Goes:

Tia katalogo ebligu ke oni vidu kie troviĝas kiu libro, revuo, ktp kaj kompreneble enestu ankaŭ ĉiu eblaj bibliografiaj detaloj, ankaŭ se estis eraroj en la numerado ktp. Kaj ankaŭ necesas enmeti kie en la reto ĝi troviĝas en skanita formo.. Fakte, estus bone iel tiel kontribui ke oni ankaŭ dividu la laboron pri skanado, tiel ke ĉie en la mondo oni povu vidi ĉiujn Esperanto-revuojn. Pri (novaj) libroj estas eble tro da kopirajto sed certe pri malnovaj revuoj oni devus povi havi kompletajn jarkolektojn skanite. 

UEA serĉas administrajn helpantojn!

La Estraro de UEA decidis pri speciala gazetara kampanjo okaze de la "Zamenhofjaro". La celo estas informi plejeble multajn gazetojn, radiostaciojn, televidstaciojn, retpaĝojn aŭ blogojn pri Zamenhof kaj Esperanto.

Por tiu tasko UEA serĉas administrajn helpantojn, kiuj kune organizu la koncernan kampanjon. Unu el la plej gravaj taskoj estas la kolektado de kontaktinformoj de amaskomunikiloj el ĉiuj partoj de la mondo kaj posta kontaktado kaj informado al kaj pri la koncernaj amaskomunikiloj.

La koncernaj homoj havu komputilon kaj lerton uzi ĝin, la kapablon rapide serĉi kaj esplori la interreton kaj laŭeble rapidan tajp-kapablon (ja temas pri registrado de datumoj).

UEA serĉas kaj volontulojn kaj homojn, kiuj pretus labori kontraŭ eta honorario. Se vi interesiĝas pri kandidatiĝo, bv. sendi informojn pri vi (eta vivresumo, kapabloj, konoj, lingvokonoj, movada historio) al zamenhofjaro100@gmail.com ĝis la 14-a de februaro 2017. Bv. mencii kiom da tempo vi planas elspezi pri la tasko kaj kiajn rimedojn kaj eventualajn rekompencojn vi bezonus kaj kiom ili kostus.

Mallonga ligilo por tiu ĉi komuniko: uea.org/gk/668a1

KONKURSO POR NOVA ESPERANTO.NET

 UEA lanĉas konkurson por la renovigo de Esperanto.net kun premio de 3 000 EUR.
Se vi fakas pri retejo-kreado, prezentu vian proponon pri la nova retejo por montri Esperanton kiel ni fieras pri ĝi: moderna ideo, alloga lingvo.

Kion?
La nova retejo havu koncizan prezenton pri Esperanto, kiel lerni ĝin, kiel partopreni la komunumon, kaj kiel iĝi “Amiko de Esperanto”. La baza ideo videblas ĉe http://provo.esperanto.net/eo. Vi povas libere uzi partojn de ĝi por krei vian propran version. Ĝi povas havi pli aŭ malpli da enhavo/rubrikoj laŭ tio, kio laŭ vi taŭgus.

Kiel?

Por partopreni, simple komencu krei la retejon, almenaŭ en Esperanto.

Kia ĝi estu?

1 - La strukturo estu tia, ke:
           ĝi povu mem rekoni la lingvan preferon de la uzanto, kaj montri la retejon tuj en tiu lingvo
           ĝi devas doni eblon havi pli ol 50 diversajn lingvoversiojn.
    2 - Rilate al la aspekto, ni konsideros:
           la ĝeneralan belecon kaj agrablecon
           la implicitajn mesaĝojn: moderneco, diverseco, amikeco
    3 - La informoj en la retejo estu:
           bone organizitaj
           allogaj
           diversaj (filmetoj, fotoj, formularoj, tekstoj)
   4 - La administrado estu:
           farebla de ne-komputilistoj
           facile ĝisdatigebla (ni atentu pri sekureco)
           diversaj homoj devas havi la eblon havi diversajn administrajn rajtojn
           facile tradukebla
   5 - La retejo devus esti optimumigita al serĉiloj:
           la ligiloj kaj enhavo devus esti kompreneblaj de robotoj


Pri tekniko:

La retejo devos baze funkcii per PHP (kongruante kun versio 5.6) ĉar ĝi devus funkcii sur la serviloj de UEA.
 

• Se la retejo uzas Drupal, prefereble uzu 8.1.x
• Se la retejo uzas Wordpress, prefereble uzu 4.6.x
• Se la retejo uzas Jomla, prefereble uzu 3.6.x
• Se la retejo uzas symfony, prefereble uzu 2.7.x

Se vi havas dubojn pri la kongrueco kun niaj serviloj, ne hezitu demandi.


Reguloj:
La limdato por prezenti vian proponon estu la 17-a de oktobro je la 14-a horo laŭ la horzono de la Centra Oficejo, en Roterdamo.

La Estraro de UEA konsideros ĉu la proponita retejo atingis pli bonan rezulton ol provo.esperanto.net kaj tiukaze anoncos la gajninton de la premio. Se ĝi ne atingos tiun nivelon, la konkurso/konkurado estos nuligita.

La gajninto de la konkurso devos liveri la retejon plene funkcianta, adaptita al la petoj de la Estraro, kaj preta por ricevi alilingvajn versiojn ene de 30 tagoj post la anonco de la gajninto.

Por pliaj informoj, se vi havas demandojn aŭ por sendi vian proponon skribu al esperantonet@co.uea.org. Por travidebleco kaj por helpi la informfluon, ni uzos la baldaŭ oficiale lanĉotan forumon ĉe forumo.esperanto.net por respondi al la demandoj.

Abonu tiun fadeno, kaj legu niajn respondojn al demandoj

---

(Amiko de Esperanto)

Vi ŝatis la ideon, vi volas partopreni  ... sed vi ankoraŭ ne bone parolas Esperanton!
Aliĝu senpage al la programo Amikoj de Esperanto de UEA/TEJO kaj vi ricevos regule mallongajn informojn en via lingvo, kiuj helpos vin kompreni pli bone kio estas Esperanto.  Aldone vi partoprenos konkurson kun la premioj...

>> Klaku ĉi tie por aliĝi al la programo Amikoj de Esperanto

Formularo

• Persona nomo
• Familia nomo
• [ ] viro  [ ] virino   
• Naskiĝdato   
• Retadreso
• Adreso
• Urbo
• Poŝtkodo
• Telefono
• Nivelo de Esperanto: nula/baza/meza/alta
• En kiu lingvo vi preferas ricevi informojn (aŭtomate plenumita, sed ŝanĝebla)
• Dato de aliĝo (aŭtomate plenumita)
• Kiom da bultenoj ricevitaj (aŭtomate nulo en la aliĝo)

Kara membro de UEA


dum la 101-a Universala Kongreso en Nitro, fine de julio, la Komitato de UEA aprobis aron da ŝanĝoj en nia Statuto. Ili celas:
- la juran memstariĝon de nia junulara sekcio TEJO,
- la adapton de niaj labormanieroj al la reta epoko, kaj
- la pliklarigon kaj ĝisdatigon de kelkaj mastrumaj aferoj.


Tiuj ŝanĝoj tamen ekvalidos, nur se niaj membroj aprobos ilin per Ĝenerala Voĉdono. Tial ni tre badaŭ sendos al vi per ordinara poŝto la materialojn por voĉdoni. Plenigitaj voĉdoniloj devos atingi la Centran Oficejon, denove per poŝto, ĝis la 15-a de decembro 2016.


Per ĉi tiu mesaĝo mi do petas vin:
- atenti la poŝton!
- legi la enhavon!
- voĉdoni!


Per tio vi kontribuos al la laboro por renovigi la Asocion, kiun energie plugvidos nia nova Estraro, elektita en Nitro.


Anticipan kaj elkoran dankon!


D-ro Mark Fettes
Prezidanto
Universala Esperanto-Asocio

La skizo de la plano de UEA kaj TEJO estas helpi la informadan agadon pri Esperanto kunordigante kaj proponante rimedojn bezonatajn por tion efike fari. Por la kunordigado ni serĉas ĉefkunordiganton, kunordiganton de tradukantoj, kiel eble multajn retejkreantojn, retejmastrumantojn, tradukantojn, grafikumantojn, disvastigantojn, homojn, kiuj ŝatus kunlabori por tiu celo.Aliĝu al nia grupo per la formularo https://goo.gl/forms/EFp9ktTKIv7ZqMwq1   indikante pri kia supra rolo vi interesiĝas, kaj vi estos invitata al nova laborgrupo “Tutmonda Inform-Reto (TIR)” por kunlabori por laŭeble plej taŭga utiligo de la situacio por plibonigi la konatecon kaj prestiĝon de Esperanto.
Emiljo CidEstrarano de UEA pri informado

Dulingva bulteno de la Hispana Federacio de Esperanto “La Bitbulteno”
http://www.esperanto.es/hef/index.php/component/jnews/mailing/view/mailingid-40

Por atingi la junulojn, TEJO en 2012 kreis la unustilan informilon de TEJO, kiu estas por uzo en budoj de ĉiuj landaj sekcioj.
http://tejo.org/agadoj/informado-informiloj/#unustila