Welcome to UEA Forumo

UEA Forumo

Aŭtoro Fadeno: Konkretigo de paragrafo 1.2.2 (Konsciigo) de la Strategia Plano  (Legita 411 fojojn)

junio 16, 2017, 01:42:31 ptm
  • Novulo
  • *
  • Afiŝoj: 8
    • Vidi profilon
En la Strategia Plano sub Konsciigo 1.2.2 estas menciita:
Reprezentado en internaciaj forumoj.
Informi, argumenti, kaj kunlabori sur internacia/tutmonda nivelo kun neregistaraj kaj interregistaraj organizoj, interalie Unuiĝintaj Nacioj kaj Unesko.

En uea-membroj@yahoogroups.com oni ŝajne ne estis interesita aŭ kapabla pensi pri tiu bedaŭrinde tro abstrakta ero de la Strategia Plano (nur Humphrey Tonkin moviĝas aktive sur tiu tereno, sed limigas sin al la celoj de UNo por la jaro 2030).
Unu el la plej atentofrapaj konkretigoj de kunlaborado kun aliaj organizoj, pri kiu oni ripete “alvokas” en dumkongresaj debatoj (KAEST 2015 ktp) estas atingi (aprobon por) aldono de paĝo en Esperanto en alia organizaĵo.
Tia paŝo estus rekta kaj la plej facile imagebla paŝo de kunlaborado, ĝi ne devigas kontrakton aŭ ion tian sur la polita nivelo.
Se oni entemigas tiun ideon, la reagoj estas antaŭdireblaj, ekzemple:
a) la menciita paragrafo ne apartenas al la prioritatoj de la Strategia Plano. (En la “konciza prezento de la SP” mi vidas tamen  Modernigi la publikan bildon pri Esperanto: lingvopolitika profilo de UEA, precipe por neregistaraj organizoj)
b) la tasko estas tro grandaelekti AmnestIon Internacian (kion mi proponis) estas arbitre.
c) Estas multaj aliaj organizaĵoj kies celojn kongruas kun la celoj de Esperanto. Ĉiuj tiaj organizaĵoj devus havi informon en Esperanto. (Do ni faru nenion.)
Pri la vereco de la kongrueco de la celoj de multaj organizoj kun tiu de Esperanto oni povas debati, sed prefere ne senfine.
Por atingi konkludon oni bezonas
a) difini la celon de Esperanto (por tio mi uzas la difinon de Esperantismo:
1. La Esperantismo estas penado disvastigi en la tuta mondo la uzadon de lingvo neŭtrale homa, kiu "ne entrudante sin en la internan vivon de la popoloj kaj neniom celante elpuŝi la ekzistantajn lingvojn naciajn" donus al la homoj de malsamaj nacioj la eblon kompreniĝadi inter si, kiu povus servi kiel paciga lingvo de publikaj institucioj en tiuj landoj, kie diversaj nacioj batalas inter si pri la lingvo, kaj en kiu povas esti publikigataj tiuj verkoj, kiuj havas egalan intereson por iuj popoloj.)

b) provi krei gradon de parenceco inter Esperantismo kaj la neregistaraj kaj interregistaraj organizoj,
ne nur el vidpunkto de abstrakta celo (kiu ofte pli kaŝas ol heligas), sed ankaŭ el la vidpunkto de celgrupo, strategio, travidebleco, takso de ilia preteco por kunlabori (eble plej bone: akcepti esperantan paĝ(ar)on), ktp.

Mi antaŭ nelonge aliĝis al la forumo@esperanto.net, ĉar ĝi aspektas serioze, dum diskutado en uea-membroj@yahoogroups.com kutime estas blokata de iu, kiu ne estas interesita en la prezentata ideo aŭ demando, sed celas enkadrigi (“frame”) la ideon aŭ demandon en direkto de propra intereso.
Mi ne demandas ies helpon, ĉar mi bone komprenas, ke oni ne havas tempon. Gravas, ke kelkaj, aŭ eĉ nur unu leganto, faru malgrandan paŝon sur la vojo de scienca analizo de la demando: kiel krei hierarĥion de parenceco inter Esperantismo kaj neregistaraj kaj interregistaraj organizoj. (Tio nur estas la unua paŝo. Poste venos tempo por kontakti la koncerna(j)n organizo(j)n kaj intertrakti manieron de kunlaborado.)
La Esperanta Vikipedio multe faciligas tiun laboron, ĉar ĝia listo de NRO-j estas multe pli mallonga ol tiu ekzemple en la angla.
Ĝi enhavas:
Notindaj NRO-oj
Amnestio Internacia
Corpwatch
Cluster Munition Coalition
Cunina
Framasonaj organizoj
Greenpeace
Indiĝenaj Dialogoj
Inĝenieroj Sen Limoj
Internacia Movado de la Ruĝa Kruco kaj Ruĝa Krescento
ISO
Kuracistoj sen landlimoj
Monda Natur-Fonduso
Naturprotekto Internacie
Oxfam
Raportistoj sen limoj
Reclaim the Streets
Rotario
Slow Food
SMART Recovery
La Teramikoj
Esperantaj:
Esperantic Studies Foundation
Sennacieca Asocio Tutmonda
Universala Esperanto-Asocio
Ĝuste pro ĝia mallongeco ni povus fari malbonan elekton, sed almenaŭ ĝi estas konkreta kaj studante ĝin kohere kun listoj en aliaj lingvoj la tasko krei tian hierarĥion devas esti plenumebla.
 
Nun kuŝas antaŭ ni la tasko trovi kriteriojn de hierarĥia komparo. Mi jam menciis la celon, la celgrupon, la strategion, la travideblecon kaj la takson de preteco por kunlabori.
Sed mi esperas kaj atendas, ke aliaj helpos fari pli precizan aŭ aferkoncernan grupeton de kriterioj aŭ konvinke argumenti, kial precize tiu aŭ alia NRO estas la ideala por proponi aldonadon de paĝ(ar)o en Esperanto.

Johan Derks
novembro 12, 2017, 08:55:00 ptm
Respondo #1
  • Novulo
  • *
  • Afiŝoj: 2
    • Vidi profilon
Indus indiki la NROojn per siaj konataj nomoj antastaŭ neoficialaj tradukoj al Esperanto.